

Հայաստանի Անվտանգության խորհրդի քարտուղար Արմեն Գրիգորյանը երկուշաբթի ընդունել է ԵԱՀԿ Խորհրդարանական վեհաժողովում (ԽՎ) ուկրաինական պատվիրակության ղեկավար Միկիտա Պոտուրաևին։ Այս մասին NEWS.am-ին հայտնում են Հայաստանի Անվտանգության խորհրդի գրասենյակից։ Կողմերը քննարկել են տարածաշրջանային և արտատարածաշրջանային անվտանգության իրավիճակը և ընդգծել կայուն խաղաղության հաստատման անհրաժեշտությունը։ Այդ կապակցությամբ ԱԽ քարտուղարը ներկայացրել է Հայաստանի մոտեցումները տարածաշրջանային որոշ խնդիրների վերաբերյալ։ Զրուցակիցները քննարկել են նաև երկկողմ հետաքրքրություն ներկայացնող մի շարք այլ հարցեր։