News - ՀԱՊԿ ղեկավար. Հայաստանը կազմակերպության գործընկերներին խնդրել է օրակարգից հանել երկրին օգնության մասին փաստաթուղթը

Բելառուսի նախագահ Ալեքսանդր Լուկաշենկոն երկուշաբթի հանդիպել է ՀԱՊԿ գլխավոր քարտուղար Իմանգալի Տասմագամբետովի հետ։ Լուկաշենկոն դրական է գնահատել այն փաստը, որ Հարավային Կենտրոնական Ասիայում հնարավոր է լուծում գտնել Տաջիկստանի և Ղրղզստանի միջև հակամարտությանը։ Նրա խոսքով, ավարտվել է նաեւ Հայաստանի եւ Ադրբեջանի դիմակայությունը. «Մենք պետք է մտածենք ապագայի մասին, թե ինչպես կազմակերպել այնտեղ երկու երկրների կյանքը»,- ընդգծել է Բելառուսի նախագահը։ «Եվս մեկ անգամ շեշտում եմ՝ ՀԱՊԿ պատասխանատվության ոլորտում, քանի որ և՛ Հայաստանը, և՛ Ղրղզստանը ՀԱՊԿ անդամ են»,- ասել է Լուկաշենկոն։ Իմանգալի Տասմագամբետովն իր հերթին երախտագիտություն է հայտնել Բելառուսի ղեկավարին ՀԱՊԿ շրջանակներում ընթացիկ գործունեությունը և կարևոր իրադարձությունների շեմին այդ կազմակերպության գործունեության խնդրահարույց հարցերը քննարկելու հնարավորության համար։ «Ինչ վերաբերում է անցյալ տարվա նոյեմբերին կայացած [ՀԱՊԿ] Հավաքական անվտանգության խորհրդի որոշումների կատարման գործողությունների ծրագրի իրականացմանը և Բելառուսի առաջնահերթ ոլորտներին, ապա 34 գործողություններից 32-ն ավարտված են: Ցավոք, մենք չկարողացանք. կատարել երկու գործողություն, նախ՝ դրանք մեր միջազգային շփումներն են եվրոպական միջազգային կազմակերպությունների հետ, ինչպիսին ԵԱՀԿ-ն է, պայմանավորված նրանց դիրքորոշումներով, և երկրորդ խնդիրը Հավաքական անվտանգության խորհրդի մանդատն է՝ վերջնական տեսքի բերելու Հայաստանին օգնություն տրամադրելու որոշումը։ Թեև մնացած բոլոր դաշնակիցները սատարեցին այս որոշմանը, սակայն հայկական կողմը որևէ հետաքրքրություն չցուցաբերեց այս փաստաթղթի նկատմամբ և, ավելին, մեր աշխատանքի վերջին մասում նրանք խնդրեցին այն ընդհանրապես հանել օրակարգից»,- ասաց ՀԱՊԿ գլխավոր քարտուղարը։