News - Էկոնոմիկայի նախարար. Հայաստանը զբոսաշրջության անվտանգության ինդեքսով 7-րդն է 142 երկրների շարքում

Հայաստանը զբոսաշրջության անվտանգության ինդեքսով 142 երկրների շարքում յոթերորդն է, քանի որ մեր երկրում հանցագործությունների թիվը շատ ցածր է։ Այս մասին երկուշաբթի ՀՀ Ազգային ժողովի տնտեսական հարցերի մշտական ​​հանձնաժողովի հերթական նիստում հայտարարեց էկոնոմիկայի նախարար Վահան Քերոբյանը։ «Զբոսաշրջության աճով Հայաստանը վեցերորդն է աշխարհի բոլոր երկրների մեջ, զիջում է [այս առումով] Քաթարին, Սաուդյան Արաբիային և մի շարք այլ երկրների [միայն]։ Շատ այլ երկրների համեմատ՝ զբոսաշրջությունը աճել է մեր երկրում»,- հավելեց էկոնոմիկայի նախարարը։ Քերոբյանը վստահեցրել է, որ այն գլոբալ թիրախները, որոնք ՀՀ կառավարությունը դրել էր իր առջեւ և նպատակադրվել էր հասնել մինչև 2026 թվականը, արդեն իսկ իրականացվել են։ Ըստ այդմ, նախատեսվում էր, որ մինչև 2026 թվականը Հայաստան կայցելի 2,5 միլիոն զբոսաշրջիկ, սակայն երկիրն արդեն հասել է այդ նպատակին։