News - Երեւանում կալանավորված բոլոր արտասահմանցի ֆուտբոլասերներն ազատ են արձակվել

Երևանում Հայաստանի և Ուելսի հավաքականների ֆուտբոլային հանդիպման օրը բերման ենթարկված բոլոր 32 օտարերկրացիներն ազատ են արձակվել։ ՆԳՆ մամուլի ծառայությունից NEWS.am -ին հայտնում են, որ 16 օտարերկրացիներ հասարակական վայրում հարբած լինելու համար բերման են ենթարկվել, ապա ազատ են արձակվել։ Իսկ ոստիկանությունից հայտնեցին, որ խուլիգանության մեղադրանքով բերման են ենթարկվել ևս 16 օտարերկրացիներ, որոնք տեղափոխվել են Հայաստանի քննչական կոմիտե։ Հայաստանի քննչական կոմիտեի մամուլի քարտուղար Գոռ Աբրահամյանը NEWS.am-ի հետ զրույցում ասաց, որ քրեական գործ է հարուցվել։ «Այս անձանց հետ կատարվել են քննչական միջոցառումներ, նշանակվել է դատաբժշկական փորձաքննություն, նրանց տրվել է ուղեգիր՝ փորձաքննություն անցնելու, հետո ազատ են արձակվել»,- ասաց Աբրահամյանը։