News - Երեւանում մեկնարկել է ԵԱՀԿ ԽՎ աշնանային նստաշրջանը. Ադրբեջանը չի մասնակցում
Business Strategy
Երեւանում մեկնարկել է ԵԱՀԿ ԽՎ աշնանային նստաշրջանը. Ադրբեջանը չի մասնակցում
Այսօր՝ նոյեմբերի 18-ին, Երեւանում մեկնարկում է ԵԱՀԿ Խորհրդարանական վեհաժողովի 21-րդ աշնանային նստաշրջանը։ Այն տեղի կունենա Կարեն Դեմիրճյանի անվան մարզահամերգային համալիրում։ Նիստն անցկացվում է «ԵԱՀԿ-ն ճգնաժամի ժամանակ. ԽՎ դերը ներքին և արտաքին մարտահրավերներին արձագանքելու գործում» կարգախոսով։ Օրակարգում ընդգրկված են նաեւ կոռուպցիայի դեմ պայքարին, փոքրամասնությունների պաշտպանությանը վերաբերող հարցեր։ Օրերս Հայաստանի Ազգային ժողովը հայտարարեց, որ նստաշրջանին մասնակցելու համար հանրապետություն են ժամանելու շուրջ 50 երկրների 300 պատվիրակներ։ Ընդունող կողմը Ազգային ժողովն է։ ԵԱՀԿ ԽՎ աշնանային նստաշրջանը, որը վեհաժողովի հիմնական նիստերից է, կանցկացվի նոյեմբերի 18-20-ը։ Հայաստանի Ազգային ժողովը դեռ ամռանը դիմում է ներկայացրել և պատրաստակամություն հայտնել նստաշրջանին պատվիրակներին ընդունել Հայաստանում։ Ադրբեջանը հրաժարվել է մասնակցել նիստին։
About usyoo
Categories
Tags
