News - Երևանի պետական համալսարանից այրվածքների կենտրոն է տեղափոխվել 2 հոգի
Business Strategy
Երևանի պետական համալսարանից այրվածքների կենտրոն է տեղափոխվել 2 հոգի
Ուրբաթ առավոտյան Երևանի պետական համալսարանի (ԵՊՀ) քիմիայի ֆակուլտետի շենքի նկուղում տեղի ունեցած պայթյունի հետևանքով երկու հոգի տեղափոխվել են Երևանի Այրվածքների և մաշկաբանության ազգային կենտրոն։ Այրվածքաբանության կենտրոնից NEWS.am -ին հայտնում են, որ նշված անձինք են՝ 70-ամյա Սեյրան Բիչախչյանը և 65-ամյա Ահարոն Հակոբյանը։ «Այստեղ վիրակապեցինք, ուղարկեցինք «Արմենիա» բժշկական կենտրոն, ունեին պոլիտրավմա, բազմաբեկորային վնասվածք, երրորդ կարգի քիմիական այրվածքներ»,- հավելեցին նրանք։ Ավելի վաղ NEWS.am -ը հայտնել էր, որ ԵՊՀ 1-ին մասնաշենքի նկուղային հարկում գտնվող սենյակում պայթյուն է տեղի ունեցել, հրդեհ է բռնկվել։ Ուրբաթ ժամը 09:40-ի սահմաններում ՀՀ 911 թեժ գծին ահազանգ է ստացվել, որ հրդեհ է բռնկվել ԵՊՀ շենքում։ ԵՊՀ-ում տեղի ունեցած պայթյունի հետևանքով, նախնական տվյալներով, կա մեկ զոհ, երեք հոգի վիրավորվել և հոսպիտալացվել են։ Ըստ նախնական տեսության՝ հրդեհն առաջացել է էլեկտրական հոսանքի տատանումից։ Հրդեհը մարվել է։
About usyoo
Categories
Tags
