

Երևանը քննարկում է ՌԴ-ում Հայաստանի և Ադրբեջանի ԱԳ նախարարների հանդիպում անցկացնելու ռուսական կողմի առաջարկը, սակայն կոնկրետ պայմանավորվածություններ դեռ չկան, «Ինտերֆաքս»-ին ասել է Ռուսաստանում Հայաստանի դեսպան Վաղարշակ Հարությունյանը։ «Կան տարբեր առաջարկներ, քննարկումներ, բայց կոնկրետ պայմանավորվածություններ դեռ չկան, քանի որ դժվարություններ են առաջանում աշխատանքային գրաֆիկի հետ կապված, ուստի այստեղ խնդիր չկա, պարզապես տեխնիկական պայմանավորվածություն կա, հայկական կողմը ոչ մի առաջարկ չի մերժում։ Աշխատանքները տարվում են»,- ասել է Հարությունյանը Սանկտ Պետերբուրգի ռուսական միջազգային մշակութային ֆորումի շրջանակում՝ պատասխանելով վերոնշյալ լրատվական գործակալության համապատասխան հարցին։