News - Բարձր տեխնոլոգիաների նախարարը վաճառում է MTS Armenia-ն. իրական սեփականատերը հայտնի է, բայց չեմ ասի

«ՄՏՍ Արմենիա»-ի վաճառքի միջնորդությունը վերանայվել է, ներկայացված տեղեկատվությունը ստուգվել է նաև գործընկերների հետ, և արդյունքում հաստատվել։ Այս մասին ուրբաթ ՀՀ կառավարության կաբինետի նիստից հետո լրագրողների հետ ճեպազրույցում հայտարարեց բարձր տեխնոլոգիական արդյունաբերության նախարար Ռոբերտ Խաչատրյանը։ Ավելի վաղ հայտնել էինք, որ Հայաստանի Հանրային ծառայությունները կարգավորող հանձնաժողովը հավանություն է տվել MTS Armenia ՓԲԸ-ի 100 տոկոս բաժնետոմսերի վաճառքին կիպրական Fedilco Group Limited ընկերությանը։ Հարցին, թե ինչպես եղավ, որ բարձր տեխնոլոգիական արդյունաբերության նախարարությունը և ԱԱԾ-ն Հայաստանի ազգային շահի տեսանկյունից ռիսկեր չտեսան և հավանություն տվեցին MTS Armenia-ի բոլոր բաժնետոմսերի վաճառքին, նախարար Խաչատրյանը զարմանքով արձագանքեց. «Այնտեղ ազգային անվտանգության վտանգ տեսնո՞ւմ եք»։ Իսկ հարցին, թե ով է վերոնշյալ կիպրական ընկերության իրական սեփականատերը, նախարարը սկզբում պատասխանեց, որ չի հիշում և չգիտի։ Բայց հետո ճշտող հարցին ի պատասխան ասաց. «Իրական սեփականատերը հայտնի է, բայց չեմ ասի»։ Լրագրողների մյուս հարցերին նա խուսափողական պատասխաններ տվեց ու արագ հեռացավ՝ միայն ասելով. «Դիմեք գրավոր, կպատասխանեմ»։