News - Ադրբեջանի ԱԳՆ. Ջեյմս Օ'Բրայենի հայտարարությունները հարված են ադրբեջանա-ամերիկյան հարաբերություններին

Ադրբեջանի արտաքին գործերի նախարարությունը զայրացած է արձագանքել ԱՄՆ Պետդեպարտամենտի Եվրոպայի և Եվրասիայի հարցերով քարտուղարի օգնական Ջեյմս Օ’Բրայենի հայտարարություններին և Վաշինգտոնին մեղադրել մահկանացուների գրեթե բոլոր մեղքերի մեջ։ Ադրբեջանի ԱԳՆ-ն ամերիկացի վերոհիշյալ պաշտոնյայի հայտարարությունները, որոնք արվել են ԱՄՆ Կոնգրեսի Ներկայացուցիչների պալատում Լեռնային Ղարաբաղին նվիրված լսումների ժամանակ, անվանել է «միակողմանի և կողմնակալ», ինչպես նաև «հակաարդյունավետ, անհիմն և անընդունելի». «եւ հարված ադրբեջանա-ամերիկյան հարաբերություններին. Նաև, Ադրբեջանի ԱԳՆ-ն անձամբ Օ'Բրայենին և ընդհանրապես ամերիկյան դիվանագիտությանը մեղադրել է «հիմնական խնդիրը, որը հանգեցրել է Ադրբեջանի գործողություններին [այսինքն՝ սեպտեմբերի 19-20-ը Լեռնային Ղարաբաղի դեմ ռազմական ագրեսիան] անտեսելու մեջ»: Ադրբեջանի ԱԳՆ-ն Ջեյմս Օ'Բրայենի մեկնաբանությունը՝ 907-րդ հոդվածի փոփոխության կիրառումը ժամանակավորապես կասեցնելու վերաբերյալ, անվանել է «սխալի կրկնություն», որը թույլ է տրվել 1992 թվականին Ադրբեջանի դեպքում։ Ջեյմս Օ'Բրայեն. ԱՄՆ-ը և Եվրոպան մշակում են Հայաստանն անդրատլանտյան համայնքին մերձեցնելու ծրագիր