

Հայաստանի, Հունաստանի և Կիպրոսի հատուկ նշանակության ուժերը Հունաստանում համատեղ զորավարժություններ են անցկացրել, հայտնում է Հունաստանի ազգային պաշտպանության գլխավոր շտաբը։ Միջազգային համագործակցության պլանավորման շրջանակներում զինված ուժերը մասնակցել են Հունաստանի, Կիպրոսի և Հայաստանի հատուկ նշանակության ստորաբաժանումների եռակողմ համատեղ վարժանքին, որն անցկացվել է Հունաստանի Նեա Պերամոս քաղաքում, նշվում է համապատասխան հայտարարության մեջ։ Այս համատեղ զորավարժությունները Հայաստանի, Հունաստանի և Կիպրոսի 2023 թվականի համատեղ գործողությունների ծրագրի մաս են կազմում։