News - Իրանը թարմացնում է հակաօդային պաշտպանության համակարգը՝ հաշվի առնելով նոր սպառնալիքները

Իրանի ՀՕՊ հյուսիսարևելյան գոտու հրամանատարն ասել է, որ երկրի հակաօդային պաշտպանության տեխնիկան թարմացվել է նոր սպառնալիքների հիման վրա, հայտնում է Mehr-ը։ Բրիգադային գեներալ Մոհամմադռեզա Մասումին ասել է, որ այժմ Իրանի հակաօդային պաշտպանության համար ոչ մի սպառնալիք աննկատելի չէ։ Նա հավելել է, որ եթե օդատիեզերական սպառնալիքները արագորեն աճում են, ապա երկիրը նույն արագությամբ զարգացնում է իր պաշտպանական տեխնիկան։ Նաև հրամանատարը կրկնել է, որ Իրանի ռազմական առաջընթացը զուտ զսպման նպատակ է հետապնդում, և դա ոչ մի վտանգ չի ներկայացնում իր հարևանների համար։