News - Հայաստանի արտգործնախարարը պաշտոնական այցով կժամանի Մեծ Բրիտանիա

Հայաստանի արտաքին գործերի նախարար Արարատ Միրզոյանը նոյեմբերի 13-14-ը պաշտոնական այցով կմեկնի Միացյալ Թագավորություն, հայտնում է ԱԳՆ-ն։ Կկայանա Հայաստանի և Միացյալ Թագավորության արտգործնախարարների հանդիպումը, ինչպես նաև կկայանա Հայաստանի և Միացյալ Թագավորության միջև ռազմավարական երկխոսության առաջին նիստը։ Այցի ընթացքում նախատեսված են նաև այլ քննարկումներ և միջոցառումներ։ Արարատ Միրզոյանը մայիսին Երևանում Մեծ Բրիտանիայի Եվրոպայի հարցերով նախարար Լեո Դոչերթիի հետ ասուլիսի ժամանակ ընդգծել է. «Մեզ համար կարևոր է Հայաստանի և Միացյալ Թագավորության միջև ռազմավարական երկխոսության մասին հայտարարությունը։ Մենք արժեւորում ենք Հայաստանի և Միացյալ Թագավորության միջև հաստատված համագործակցությունը և հուսով ենք, որ համատեղ ջանքերով մենք կկարողանանք նոր լիցք հաղորդել փոխադարձ հետաքրքրություն ներկայացնող բոլոր ոլորտներում, ինչը արտահայտվում է նաև բազմակողմ հարթակներում մեր համագործակցության մեջ»: