News - Ֆուկուսիման՝ Քերոբյանին. Հայաստանի գյուղատնտեսական արտադրանքը հատկապես հետաքրքիր կլինի ճապոնական շուկայի համար (ՖՈՏՈ)

Էկոնոմիկայի նախարար Վահան Քերոբյանն ուրբաթ ընդունել է Հայաստանում Ճապոնիայի դեսպան Մասանորի Ֆուկուսիմային։ ՀՀ էկոնոմիկայի նախարարությունից NEWS.am -ին հայտնում են, որ զրուցակիցները կարևորել են Հայաստանի և Ճապոնիայի միջև առևտրատնտեսական կապերի զարգացումը և գործարար կապերի ընդլայնումը։ Այնուհետև կողմերը քննարկել են Քերոբյանի՝ Ճապոնիա կատարելիք այցին, ինչպես նաև Ճապոնիայի Կանսայ նահանգի Օսակա քաղաքի «World Expo 2025» ցուցահանդեսին Հայաստանի մասնակցությանն առնչվող մի շարք հարցեր։ Դեսպանը նշեց, որ ճապոնական շուկան կհետաքրքրվի, մասնավորապես, Հայաստանի գյուղատնտեսական արտադրանքով, ինչպես նաև հայկական մշակույթով և պատմությամբ։ Ներկայացնելով Հայաստանում «չոր նավահանգստի» կառուցման նախագիծը՝ Վահան Քերոբյանն իր հերթին ճապոնական ընկերություններին առաջարկել է դիտարկել այս նախագծին միանալու հնարավորությունը։