News - Արմեն Գրիգորյան. Հայաստանում ԵՄ քաղաքացիական մոնիթորինգային առաքելությունը փոխել է երկրում Եվրոպայի հանրային ընկալումը

Մենք կարևորում ենք CEPA-ի [(Համապարփակ և ընդլայնված գործընկերության համաձայնագիր)] համաձայնագրի իրականացումը, ինչպես նաև ԵՄ-ի հետ 2,6 միլիարդ եվրոյի օգնության իրականացումը։ Այս մասին ուրբաթ օրը Բրյուսելում անցկացվող «Հայաստանի ռազմավարական ապագա. ՀՀ-Եվրոպա» համաժողովի ժամանակ ասաց ՀՀ անվտանգության խորհրդի քարտուղար Արմեն Գրիգորյանը։ «Այստեղ մենք որոշակի առաջընթաց ունենք, բայց պետք է ավելի արագ աշխատենք այս ուղղությամբ: Նաև ես ուզում եմ կարևորել Հայաստանում ԵՄ առաքելությունը որպես անվտանգության գործոն: Այս քաղաքացիական առաքելությունը փոխել է Հայաստանում Եվրոպայի հանրային ընկալումը: Նրանց կատարած աշխատանքը, նրանց բերած արդյունքները, միանշանակ, դրական արդյունքներ են տալիս»,- ասաց ԱԽ քարտուղարը։