News - Գերմանիայի ԱԳ նախարարը հանդիպել է բռնի տեղահանված արցախահայերին

Հայաստանի Արարատի մարզի Արտաշատ խոշորացված համայնքի Որոտան գյուղում Գերմանիայի արտաքին գործերի նախարար Աննալենա Բաերբոքը հանդիպել է Լեռնային Ղարաբաղից բռնի տեղահանվածների հետ, տեղեկացնում է «Արմենպրես»-ը: Գերմանիայի արտգործնախարարը զրուցել է Լեռնային Ղարաբաղից տեղահանվածների հետ, ծանոթացել նրանց կենցաղային պայմաններին։ Հայաստանի արտգործնախարար Արարատ Միրզոյանի հետ հանդիպումից հետո հրավիրված մամուլի ասուլիսի ժամանակ Բաերբոքը հայտարարեց, որ Գերմանիան Հայաստանին կտրամադրի 9,3 միլիոն դոլարի մարդասիրական օգնություն՝ Լեռնային Ղարաբաղից բռնի տեղահանվածներին աջակցելու համար։ Մինչ այս Գերմանիայի ԱԳՆ ղեկավարը եղել է Արարատի մարզի Երասխ համայնքում, որտեղ ԵՄ դիտորդները նրան ներկայացրել են հայ-ադրբեջանական սահմանի այս հատվածում տիրող իրավիճակը։