News - Պակիստանում հարձակվել են ռազմաօդային ուժերի բազայի վրա

Պակիստանի Պակիստանի Միանվալի քաղաքի (Հյուսիսարևելյան Փենջաբ նահանգ) ռազմաօդային ուժերի բազայի վրա ահաբեկչական հարձակման հետևանքով խոցվել է երեք ինքնաթիռ և մեկ տանկեր, հայտնում է Պակիստանի պաշտպանության նախարարության Inter Services Public Relations Pakistan (ISPR) ծառայությունը։ Գործակալության տվյալներով՝ երեք ահաբեկիչ «չեզոքացվել է բազա մտնելիս, իսկ մնացած 3 ահաբեկիչները հայտնվել են անկյունում/մեկուսացվել՝ զորքերի ժամանակին և արդյունավետ արձագանքման շնորհիվ»։ «Համատեղ մաքրման և սանրման համալիր գործողությունը գտնվում է վերջնական փուլում՝ տարածքն ամբողջությամբ մաքրելու համար։ Պակիստանի զինված ուժերը հավատարիմ են մնում երկրից ամեն գնով ահաբեկչության սպառնալիքի վերացմանը»,- ասվում է ISPR-ի հայտարարության մեջ։ Հարձակման պատասխանատվությունը ստանձնել է Պակիստանի «Թեհրիկ-ի-Ջիհադ» ահաբեկչական խմբավորումը, որը հանդես է գալիս Պակիստանի կառավարության դեմ և պայքարում է երկրում «իսկական իսլամական պետության» ստեղծման համար: Ավելի վաղ ահաբեկիչները մի քանի հարձակումներ են իրականացրել Բելուջիստան և Խայբեր Փախտունխվա նահանգներում։ Նրանք հարձակվել են անվտանգության մեքենաների շարասյան վրա Գվադար թաղամասում (Բելուջիստան նահանգ) և հեռակա կարգով պայթուցիկ սարք են գործարկել Դերա Իսմայիլ Խան քաղաքի մոտ: ISPR-ի տվյալներով՝ զոհվել է 17 զինվոր, վիրավորվել՝ 24-ը։