News - Հայաստանի օրենսդիր մարմնի փոխխոսնակ. Ադրբեջանի նախագահը ամենևին էլ խաղաղարար չէ

[Ադրբեջանի նախագահ] Ալիևը ամենևին էլ խաղաղարար չէ, ես նման բան չեմ ասել, ես ասում եմ՝ դրական եմ գնահատում հռետորաբանության փոփոխությունը։ Այս մասին հինգշաբթի ԱԺ-ում լրագրողների հետ զրույցում ասաց ՀՀ ԱԺ փոխնախագահ Հակոբ Արշակյանը։ «Հրաշալի կլինի, եթե այսպես ընթանա գործին զուգահեռ, եթե այդպես շարունակվի, ապա հրաշալի կլինի, որ փոխադարձաբար ճանաչենք միմյանց տարածքային ամբողջականությունը, որպեսզի մեր ճանապարհները ապաշրջափակվեն, և դրանցով բեռնափոխադրվեն՝ ըստ իրավասության. Եվ երկրների օրենսդրությունը, այս ամենը հրաշալի կլինի, բավականաչափ ակտիվ քայլեր կա՞ն այդ ուղղությամբ, ոչ, չկան, բայց հռետորաբանության մեջ որոշակի փոփոխություններ կան, ինչը գնահատելի է»,- ասաց Արշակյանը։ Նա շարունակեց, որ խաղաղության հասնելու համար Ադրբեջանի կողմից բավարար քայլեր չեն ձեռնարկվում, և եթե դրանք արվեին, խաղաղության պայմանագիրը մինչ այժմ ստորագրված կլիներ։ «Հույս եմ հայտնում, որ առաջիկայում այդ քայլերը բավարար կլինեն։ Մենք [Հայաստանը] կգնանք այս ուղղությամբ»,- հավելեց Արշակյանը։