News - Թերթ. Ղարաբաղցի պատգամավորները փակ քննարկումներ են անցկացնում Հայաստանում

«Ժողովուրդ» թերթը գրում է. «Ժողովուրդ» օրաթերթը շարունակում է հետաքրքրվել Ադրբեջանի կողմից սանձազերծած [ռազմական] ագրեսիայի արդյունքում Արցախից բռնի տեղահանված պատգամավորներից. Արցախի բռնի օկուպացիայից հետո ՀՀ-ում չգումարել Արցախի Ազգային ժողովի արտահերթ նստաշրջան և բարձրացնել ինքնորոշման հարցը. «Ազատ հայրենիք-ՀԱԿ» խմբակցության պատգամավոր Արամ Հարությունյանը մեր այս հարցին ի պատասխան ասաց, որ իրենք դեռ միայն փակ քննարկումներ ունեն. «Կամ պատգամավորները, կամ ԱԺ ղեկավարությունը պետք է նախաձեռնեն արտահերթ նիստ հրավիրելու համար: Բայց այս պահին դեռ փակ քննարկումներ են ընթանում Արցախի և Հայաստանի շուրջ ստեղծված իրավիճակի վերաբերյալ, շատ հարցեր դեռ հրապարակային չեն քննարկվում»,- ասաց նա: Պատգամավորի խոսքով՝ այս իրավիճակում հրապարակավ շատ բան ասել չեն կարող. «Ժամանակը կգա, կխոսենք, հիմա շատ խոսել չենք կարող, եթե հրապարակային լիներ, կխոսեինք»։ Նկատենք, որ Արցախի բոլոր պատգամավորները միաբերան ասում են, որ դեռ փակ քննարկումների մեջ են։ Տպավորություն է, որ ինչ-որ բանի են սպասում և մոտ ապագայում հստակ քայլեր ձեռնարկելու մտադրություն չունեն։