News - Հայաստանի պատվիրակ. Ադրբեջանական գազատարով Եվրոպա վաճառվող ռուսական բնական գազը չպետք է գերակայի ժողովրդավարությանը

Ֆրանսիայի Ստրասբուրգ քաղաքում կայացած Եվրոպայի խորհրդի Տեղական և տարածքային իշխանությունների կոնգրեսի 45-րդ նստաշրջանում քննարկվել և ընդունվել է «Ղարաբաղում և հարակից քաղաքներում ու շրջաններում հումանիտար իրավիճակի մասին» հռչակագիրը։ Այս փաստաթուղթը հայամետ է և դատապարտում է Ադրբեջանի կողմից իրականացվող ռազմական գործողությունները և պահանջում ազատ արձակել Ադրբեջանում կալանավորված Լեռնային Ղարաբաղի ղեկավարներին։ Նիստին ներկա էր նաև Հայաստանի պատվիրակ Դավիթ Խաժակյանը, ով հանդես եկավ նկատառումներով և անդրադարձավ ադրբեջանցի պատվիրակների հնչեցրած կեղծ տեսություններին։ Խաժակյանը, մասնավորապես, հայտարարել է, որ ադրբեջանական գազատարով Եվրոպա վաճառվող ռուսական բնական գազը չպետք է գերակշռի ժողովրդավարությանը։ Թեժ բանավեճ է ծավալվել վերոնշյալ հռչակագրի վերաբերյալ առաջարկների շուրջ։ Այնուամենայնիվ, այն ընդունվեց 55 կողմ, 12 դեմ, 73 ձեռնպահ ձայներով։