News - Վահան Քերոբյանը և Ալկիս Վրյենիոս Դրակինոսը քննարկել են ՎԶԵԲ-ի կողմից Հայաստանում իրականացվող ծրագրերը (ֆոտո)
Business Strategy
Վահան Քերոբյանը և Ալկիս Վրյենիոս Դրակինոսը քննարկել են ՎԶԵԲ-ի կողմից Հայաստանում իրականացվող ծրագրերը (ֆոտո)
Էկոնոմիկայի նախարար Վահան Քերոբյանը չորեքշաբթի ընդունել է Վերակառուցման և զարգացման եվրոպական բանկի (ՎԶԵԲ) Կովկասի տարածաշրջանային տնօրեն Ալկիս Վրյենիոս Դրակինոսին և ՎԶԵԲ Հայաստանի ղեկավար Գեորգի Ախալկացուն։ ՀՀ էկոնոմիկայի նախարարությունից NEWS.am -ին հայտնում են, որ կողմերը քննարկել են գյուղատնտեսության, մասնավորապես օրգանական գյուղատնտեսության ջերմոցաշինության, ինչպես նաև կանաչ տնտեսության, թեթև արդյունաբերության և ձեռներեցության զարգացմանն առնչվող հարցեր։ Անդրադարձ է եղել նաև կապիտալի շուկայի զարգացմանը, մասնավոր հատվածի մրցունակության բարձրացմանը և պետական-մասնավոր հատված համագործակցությանը Հայաստանում։ Բացի այդ, էկոնոմիկայի նախարարը ներկայացրել է Գյումրու «չոր նավահանգստի» և արդյունաբերական պարկերի ստեղծման նախագծերը և անդրադարձել Հայաստանում տնտեսապես բարդ ապրանքների արտադրությամբ զբաղվող առևտրային ընկերություններին պետական աջակցության նոր ծրագրին։
About usyoo
Categories
Tags
