News - Հայաստանի և Ռումինիայի ԱԳՆ-ները քաղաքական խորհրդակցություններ են անցկացրել Բուխարեստում

Բուխարեստում Հայաստանի և Ռումինիայի արտաքին գործերի նախարարությունների միջև տեղի են ունեցել հերթական քաղաքական խորհրդակցությունները։ Հայկական պատվիրակությունը գլխավորում էր փոխարտգործնախարար Պարույր Հովհաննիսյանը, իսկ ռումինական պատվիրակությունը՝ պետքարտուղար Իուլիան Ֆոտան։ Հայաստանի արտաքին գործերի նախարարությունից NEWS.am -ին հայտնում են, որ կողմերը բարձր են գնահատել երկու երկրների միջև քաղաքական երկխոսությունը և անդրադարձել հայ-ռումինական երկկողմ օրակարգի հարցերի լայն շրջանակին: Քննարկվել են տարբեր ոլորտներում երկկողմ համագործակցության ընդլայնման, ինչպես նաև միջազգային կազմակերպությունների շրջանակներում համագործակցության և փոխադարձ աջակցության հնարավորությունները։ Խորհրդակցությունների ընթացքում մտքեր են փոխանակվել տարածաշրջանային և միջազգային օրակարգի երկկողմ հետաքրքրություն ներկայացնող մի շարք հարցերի շուրջ։ Զրուցակիցներն անդրադարձել են Հայաստան-Եվրամիություն ընդլայնված գործընկերությանը։ Պարույր Հովհաննիսյանը կարևորել է ԵՄ դիտորդական առաքելության տեղակայումը Հայաստանում՝ Հայաստանի տարածքային ամբողջականության և ինքնիշխանության ձգտումները զսպելու հրամայականի համատեքստում։