News - Թունիսի նախագահն ասել է, որ պաղեստինցիներն իրավունք ունեն ամուր կանգնել Իսրայելի դեմ

Պաղեստինցիներն իրավունք ունեն ինքնուրույն որոշել իրենց ճակատագիրը և ամուր կանգնել իսրայելական օկուպացիայի դեմ, այս մասին ուրբաթ օրը հայտարարել է Թունիսի նախագահ Կաիս Սաիդը հանրապետության արտաքին գործերի նախարար Նաբիլ Ամմարի հետ հանդիպման ժամանակ, հայտնում է Tunis Afrique Presse լրատվական գործակալությունը։ «Պաղեստինի ժողովուրդն իրավունք ունի ինքնուրույն որոշել իր ճակատագիրը և դիմադրել օկուպացիային: Աշխարհում բազմաթիվ ազատագրական ուժեր, որոնք պայքարում էին գաղութատիրության և ռասայական խտրականության դեմ, ներկայացվեցին որպես ահաբեկչական շարժումներ»,- նշել է պետության ղեկավարը։ Սաիդն ընդգծել է, որ «Թունիսն անվերապահորեն աջակցում է Պաղեստինի ժողովրդին լիարժեք իրավունքները վերականգնելու և սեփական անկախ պետությունը Երուսաղեմ մայրաքաղաքով ստեղծելու ձգտումներում»։ Նախագահի խոսքով՝ իսրայելական բանակը թիրախավորում է քաղաքացիական անձանց տները, մզկիթները, եկեղեցիները և հիվանդանոցները։ «Ավելի քան 2 միլիոն պաղեստինցիներ չեն ստանում դեղորայք, բժշկական ապրանքներ, ջուր, սնունդ և էլեկտրականություն։ Սիոնիստական ​​[իսրայելական] ռազմական մեքենան բնաջնջում է նրանց հայրենիքից վտարելու համար։ Եվ այս բոլոր վայրագությունները կատարվում են ողջ աշխարհի, այդ թվում՝ այն երկրների, որոնք աջակցում են այս գիշատիչ սուբյեկտին»,- ասել է Թունիսի ղեկավարը։