News - Գերմանիան պատրաստ է ավելի քան 1000 զինվորական ուղարկել Մերձավոր Արևելք

Գերմանիայի զինված ուժերը (Բունդեսվեր) մոտ 1000 զինվորական է տեղակայել Կիպրոս և Հորդանան, եթե անհրաժեշտ լինի տարհանել Գերմանիայի քաղաքացիներին տարածաշրջանից, առաջին հերթին Իսրայելից, հայտնում է DPA գործակալությունը՝ վկայակոչելով անվտանգության շրջանակներում աղբյուրները։ Գործակալության տվյալներով. խնդրո առարկա զինվորականների «ճնշող մեծամասնությունը» այժմ գտնվում է Կիպրոսում։ Այնտեղ ստեղծվել է շտաբ, որը կհամակարգի հնարավոր տարհանման ընթացքը։ Հորդանանում տեղակայված են ռազմական հատուկ ուժեր։ Այլ տվյալներ չեն հաղորդվում: Նախկինում հաղորդվում էր, որ Բունդեսվերը լրացուցիչ ուժեր է ուղարկել Կիպրոս, սակայն դրանց թիվը չի նշվում: Գերմանական կառավարությունն արդեն կազմակերպել է Իսրայելից տարհանման թռիչքներ, որոնցից օգտվել է Գերմանիայի մոտ 3,5 հազար քաղաքացի: