

Իսրայելի պաշտպանության նախարար Յոավ Գալանտը հեռախոսազրույց է ունեցել ամերիկացի գործընկեր Լլոյդ Օսթինի հետ, որի ընթացքում, ինչպես հայտնում է Պենտագոնը, քննարկել են Գազայի հատվածում Իսրայելի ռազմական գործողությունները, հայտնում է Times of Israel-ը։ Օսթինն ընդգծել է «Իսրայելական ուժերի գործողությունների ժամանակ խաղաղ բնակչության պաշտպանության կարևորությունը և Գազայի հատվածում խաղաղ բնակիչներին մարդասիրական օգնության անհապաղ առաքման վրա կենտրոնանալու անհրաժեշտությունը»: Նա նաև «ընդգծել է ՀԱՄԱՍ-ի կողմից պահվող բոլոր պատանդներին ազատ արձակելու անհրաժեշտությունը», ասվում է հայտարարության մեջ: Վերջին օրերին սա Իսրայելի և ԱՄՆ-ի ռազմական գերատեսչությունների ղեկավարների երկրորդ հեռախոսազրույցն է։