News - Հայաստանի արտգործնախարարը և ԱՄՆ պաշտոնյան քննարկել են տարածաշրջանային անվտանգության հարցեր

Արտաքին գործերի նախարար Արարատ Միրզոյանը հինգշաբթի ընդունել է տարածաշրջանային այցի շրջանակներում Հայաստան ժամանած ԱՄՆ պետքարտուղարի՝ Հարավային Եվրոպայի և Կովկասի հարցերով օգնականի տեղակալ Ջոշուա Հաքին։ NEWS.am. Քննարկվել են տարածաշրջանային անվտանգությունն ու կայունությունը, այդ թվում՝ Հայաստան-Ադրբեջան հարաբերությունների կարգավորման գործընթացները, երկու երկրների միջև սահմանների սահմանազատումը, տարածքային ամբողջականությունը, ինքնիշխանությունը և տարածաշրջանային տրանսպորտային հաղորդակցությունների ապաշրջափակումը: Զրուցակիցներն անդրադարձել են նաև Ադրբեջանի կողմից իրականացված էթնիկ զտումների հետևանքով Լեռնային Ղարաբաղի ավելի քան 100,000 հայերի բռնի տեղահանմանը, ինչպես նաև դրանց առաջնային կարիքների ու հետագա իրավունքների լուծմանը` ստեղծված հումանիտար իրավիճակում: