

Հունգարիայի արտաքին գործերի և առևտրի նախարար Պետեր Սիյարտոն դրական է արտահայտվել Հայաստանի՝ սևծովյան էլեկտրական մալուխի նախագծին միանալու հնարավորության մասին։ Համապատասխան տեսակետը Սիյարտոն հայտնեց ուրբաթ Երեւանում կայացած մամուլի ասուլիսում։ «Ինչ վերաբերում է ԵՄ-ի և Հայաստանի համագործակցությանը, ապա մենք [Հունգարիան] մի երկիր ենք, որը շահագրգռված է ԵՄ ընդլայնմամբ, և արտաքին հարաբերությունների զարգացմանը միշտ աջակցել ենք մեր կողմից: Այժմ, երբ ԵՄ մրցունակությունը նվազում է, մենք. կարծում եմ, որ արտաքին գործընկերությունն ավելի կարևոր է: Որքան շատ երկրներ կարողանա օգնել ԵՄ-ն, այնքան լավ, այնքան մեծ կլինի ԵՄ մրցունակության ողբերգական անկումը կասեցնելու հնարավորությունը: Հետևաբար, [ԵՄ] Արևելյան Հարևանության Քաղաքականությունը, որում և՛ դուք [Հայաստան] և Ադրբեջանը շահագրգռված է, մենք նպաստել ենք դրան, մենք ցանկանում ենք, որ ԵՄ-ն հնարավորինս շատ ներդրումներ կատարի այս նախագծում, և մենք ակնկալում ենք, որ նախագիծը կօգնի ձեր զարգացմանը և կամրապնդի ձեր կապերը ԵՄ-ի հետ: «Ձեր նշած էներգետիկ ծրագրի վերաբերյալ ես պարոն [ԱԳ] նախարարին ասացի, որ գործընկերային հարաբերությունները ոչ միայն այստեղ՝ Կովկասում, այլև Կենտրոնական Եվրոպայում բավականին բարդ են, և մենք միշտ չէ, որ գերազանց հարաբերություններ ենք ունեցել մեր հարևանների հետ։ Այնուհետև ընտրեցինք հետևյալ ռազմավարությունը՝ փորձեցինք հասնել գործնական հաջողությունների՝ կառուցել կամուրջներ, բաց անցակետեր, ներդրումներ, էներգետիկ միացումներ, էլեկտրահաղորդման գծեր, [բնական] գազատարներ։Այս ամենը հիմք դրեց վստահության ձևավորմանը՝ հիմքի վրա. ինչի արդյունքում հնարավոր դարձավ ավելի բարդ հարցեր քննարկել, ուստի ես իսկապես հուսով եմ, որ եթե ձեր և Ադրբեջանի միջև որքան հնարավոր է շուտ խաղաղության պայմանագիր կնքվի, դրա արդյունքներից մեկն այն կլինի, որ գործնական հարցերում լուծումներ կգտնվեն բավականին արագ և հեշտությամբ, Եվ արդյունքում՝ ավելի սերտ համագործակցություն:Էներգետիկ համագործակցությունն ավելի հաջող կլինի հնարավորինս շատ մասնակիցների հետ:Մենք դա համարում ենք նաև Եվրոպայի անվտանգության երաշխավորներից մեկը»,- ասաց Հունգարիայի արտգործնախարարը: