News - Shamshyan.com. Սյունիքում կրակոցներ են հնչել, 2 եղբայրներ, որոնցից մեկը գյուղապետ է, հոսպիտալացվել են.

Երկուշաբթի կրակոցներ են հնչել Սյունիքի մարզում, հայտնում է shamshyan.com-ը։ Այդ օրը ժամը 23:50-ի սահմաններում Գորիսի բժշկական կենտրոնից Գորիս քաղաքի ոստիկանություն ահազանգ է ստացվել, որ իրենց մոտ բուժօգնության է բերվել հրազենային վնասվածքով անձ։ Ոստիկաններն ու քննիչները պարզել են, որ վիրավորը Սյունիքի բնակիչ, 38-ամյա Արա Հ.-ն է։ Մինչ իրավապահները պարզում էին դեպքը, նույն հիվանդանոց է բերվել ևս մեկ անձ՝ հրազենային վնասվածքով։ Ոստիկանները պարզում են, որ այս անձը Սյունիքի բնակիչ, 41-ամյա Արշավիր Հ.-ն է։ Ոստիկաններն ու քննիչները նաև պարզել են, որ ժամը 23:30-ի սահմաններում վերոհիշյալ երկու տուժածները Տաթև խոշորացված համայնքում հանդիպել են Արշավիր Հ.-ի 32-ամյա ծանոթի հետ, ինչի ժամանակ այդ անձը կրակոցներ է արձակել նրանց մեքենայի ուղղությամբ։ դեռևս չպարզված հանգամանքներում։ Արդյունքում՝ վերոնշյալ երկու անձինք հրազենային վնասվածքներ են ստացել։ Դեպքի առթիվ Գորիսի քննչական բաժնում հարուցվել է քրեական գործ։ Արա Հ.-ն Տաթև խոշորացված համայնքի Ճակատեն գյուղի գյուղապետն է, իսկ կրակոցներ արձակող կասկածյալը վերջերս էր վերադարձել Ռուսաստանից։