News - Վարչապետ Նիկոլ Փաշինյանն ընդունել է ԱՄՆ պետքարտուղարի օգնականի տեղակալին

Վարչապետ Նիկոլ Փաշինյանն ընդունել է ԱՄՆ պետքարտուղարի փոխտեղակալ (Եվրոպայի և Եվրասիայի հարցերով բյուրո) Ջոշուա Հաքին։ Այս մասին հայտնում է վարչապետի պաշտոնական կայքը։ Վարչապետն ընդգծել է ԱՄՆ-ի ջանքերը Հայաստան-Ադրբեջան հարաբերությունների կարգավորման գործընթացում։ Նիկոլ Փաշինյանն անդրադարձել է Ադրբեջանի էթնիկ զտումների քաղաքականության և դրանից բխող հումանիտար իրավիճակի հետևանքով Լեռնային Ղարաբաղից ավելի քան 100 հազար մեր հայրենակիցների բռնի տեղահանմանը՝ այս համատեքստում ընդգծելով առկա խնդիրների լուծման գործում միջազգային աջակցության կարևորությունը։ Զրուցակիցները քննարկել են Հայաստան-Ադրբեջան հարաբերությունների կարգավորմանը, տարածքային ամբողջականության, ինքնիշխանության, իրավասության և փոխադարձության սկզբունքների հիման վրա տարածաշրջանային տրանսպորտային ենթակառուցվածքների ապաշրջափակմանը, Հայաստանի և Ադրբեջանի միջև սահմանազատմանը, ինչպես նաև խաղաղությանն ու կայունությանը վերաբերող հարցեր։ շրջան։ Կողմերը մտքեր են փոխանակել Հայաստան-ԱՄՆ համագործակցության օրակարգային հարցերի շուրջ։