News - Հայաստանի և Իրանի փոխարտգործնախարարները քննարկել են տարածաշրջանային համագործակցությունը

Հայաստանի արտաքին գործերի նախարարությունից NEWS.am-ին հայտնում են, որ երկուշաբթի օրը Հայաստանի ԱԳ փոխնախարար Մնացական Սաֆարյանը հանդիպել է Իրանի արտաքին գործերի նախարարի տնտեսական դիվանագիտության գծով տեղակալ Մահդի Սաֆարիի հետ։ Սաֆարին Հայաստան է ժամանել Իրանի ճանապարհների և քաղաքաշինության նախարար Մեհրդադ Բազրփաշի գլխավորած պատվիրակության կազմում՝ մասնակցելու «Հյուսիս-հարավ» ավտոմայրուղու Ագարակ-Քաջարան հատվածի կառուցման պայմանագրի ստորագրման արարողությանը։ Հանդիպման ընթացքում երկու փոխարտգործնախարարները քննարկել են Հայաստան-Իրան երկկողմ տնտեսական օրակարգին, ինչպես նաև տարածաշրջանային համագործակցությանը վերաբերող հարցեր։ Կողմերը նաև գոհունակություն են հայտնել համատեղ տնտեսական ծրագրերի առաջընթացից։