News - Մայքլ Ռոթ. Հայաստանի հասարակությունը փորձում է հնարավորինս զերծ մնալ Ռուսաստանից կախվածությունից
Business Strategy
Մայքլ Ռոթ. Հայաստանի հասարակությունը փորձում է հնարավորինս զերծ մնալ Ռուսաստանից կախվածությունից
Հայաստանի հասարակությունը փորձում է հնարավորինս զերծ մնալ Ռուսաստանից կախվածությունից. Երկուշաբթի Երևանում կայացած ճեպազրույցում այս եզրակացությունը հնչեցրեց Գերմանիայի խորհրդարանի Բունդեսթագի արտաքին հարաբերությունների հանձնաժողովի նախագահ Միխայել Ռոթը։ Գերմանացի խորհրդարանականը, սակայն, չի ասել, թե կոնկրետ ինչի վրա է հիմնված այս կարծիքը։ Նրա խոսքով, Հայաստանի հասարակության լայն շերտերն իրենց տեսնում են բարգավաճ Եվրոպայում, և ինքը երբեք չի հանդիպել Հայաստանի որևէ բնակչի, ով կցանկանար ապրել այնպես, ինչպես ապրում է բռնապետական Ռուսաստանում։ Ռոթի խոսքով, ինքը աշխատում է, որպեսզի ԵՄ-ն ձեռք մեկնի Հայաստանին և դյուրացնի մերձեցման բոլոր փորձերը։ Գերմանացի պատգամավորը հավելեց, որ համապատասխան ճանապարհը երկար է ու դժվար, բայց արժե գնալ։ Պատգամավորը վստահեցրեց, որ ԵՄ-ն հավատարիմ է համաեվրոպական տարածքում խաղաղության ապահովմանը։ Այս համատեքստում նա առանձնացրեց երեք կետ՝ Արևելյան Եվրոպա (Ուկրաինա և Մոլդովա), Բալկաններ և Հարավային Կովկաս։ «Ոչ մի երկիր պարտավոր չէ գնալ եվրոպական ճանապարհով: Մենք այստեղ ենք՝ պարզելու հայկական կողմի տեսակետներն ու ցանկությունները, ինչպես նպաստել դրան», - ասել է Ռոթը:
About usyoo
Categories
Tags
