

Հայաստանի տարածքային կառավարման և ենթակառուցվածքների նախարար Գնել Սանոսյանի հրավերով մեկօրյա այցով Երևան է ժամանել Իրանի ճանապարհների և քաղաքաշինության նախարար Մեհրդադ Բազրպաշը։ Այցի ընթացքում կքննարկվեն իրանական ավիաընկերությունների համար լիցենզիաների տրամադրման, ճանապարհային վճարների վերացման, Հյուսիս-Հարավ և Պարսից ծոց-Սև ծով միջանցքների շրջանակներում համագործակցության խթանման հարցեր։ Բազրպաշը ներկա կլինի նաև Հայաստանի Ագարակ-Քաջարան ավտոմայրուղու կառուցման պայմանագրի ստորագրման արարողությանը, որը հանդիսանում է Հյուսիս-Հարավ և Պարսից ծոց-Սև ծով միջանցքների մաս: Բացի այդ, Իրանի ճանապարհների և քաղաքաշինության նախարարը կհանդիպի Հայաստանի վարչապետ Նիկոլ Փաշինյանի, Տարածքային կառավարման և ենթակառուցվածքների նախարար Գնել Սանոսյանի և էկոնոմիկայի նախարար Վահան Քերոբյանի հետ։