News - Ռուսաստանում Իրանի դեսպան. Հարավային Կովկասի կայունությունն ու անվտանգությունը 3+3 հանդիպման օրակարգում են

Հարավային Կովկասի տարածաշրջանի կայունությունը, խաղաղությունն ու անվտանգությունը Թեհրանում 3+3 ձևաչափով հանդիպման օրակարգում են, ասել է Ռուսաստանում Իրանի դեսպան Քազեմ Ջալալին։ Նրա խոսքով՝ հարակից հարցերը կարող են քննարկվել և լուծվել տարածաշրջանի երկրների համագործակցության և փոխգործակցության միջոցով՝ առանց արտաքին խաղացողների ներգրավման։ Երկուշաբթի օրը Թեհրանում կկայանա 3+3 ձեւաչափի երկրորդ հանդիպումը։ Հանդիպմանը կմասնակցեն Ադրբեջանի, Հայաստանի, Ռուսաստանի, Թուրքիայի և Իրանի արտգործնախարարները։ Վրաստանը, սակայն, հրաժարվել է մասնակցել: Հանդիպման ընթացքում կքննարկվեն Հարավային Կովկասի հարցերը, Ադրբեջանի և Հայաստանի միջև խաղաղ բանակցությունները, ինչպես նաև տարածաշրջանային համագործակցության ընդլայնումը քաղաքական, տնտեսական, անվտանգության, տարանցման և էներգետիկ ոլորտներում, հայտնում է Mehr-ը։ Այս ձեւաչափով առաջին հանդիպումը տեղի է ունեցել անցյալ տարի Մոսկվայում՝ փոխարտգործնախարարների մակարդակով, սակայն առանց Վրաստանի մասնակցության։