

Մենք շատ լավ ենթակառուցվածքային ծրագրեր ենք նախատեսել Կասպից ծովի արևելյան և արևմտյան հատվածներում, և Հայաստանը կարող է շատ հեշտ մուտք ունենալ դեպի դրս այդ ճանապարհով։ Այս մասին երկուշաբթի Երեւանում լրագրողներին ասաց Իրանի ճանապարհների և քաղաքաշինության նախարար Մեհրդադ Բազրփաշը։ «Իրանը շատ հարմար տարածք է արտաքին մուտքի համար։ Այն կարող է տարանցիկ ճանապարհ լինել նաև ապրանքների համար փակուղային իրավիճակները վերացնելու, տարածաշրջանային համագործակցությունը խթանելու և նպաստելու համար։ Համոզված ենք, որ ապագայում ավելի ուրախալի լուրեր կլսենք երկու երկրների հարաբերությունների զարգացման մասին»,- ընդգծել է իրանցի պաշտոնյան։