News - Չինաստանի առևտրի փոխնախարար Վահան Քերոբյանը քննարկել է AIIB-ին Հայաստանի անդամակցության հնարավորությունը

Չինաստան կատարած այցի շրջանակում ՀՀ էկոնոմիկայի նախարար Վահան Քերոբյանը հանդիպել է Չինաստանի առևտրի փոխնախարար Լինգ Ջիի հետ։ Այս մասին ֆեյսբուքյան իր էջում հայտնում է ՀՀ էկոնոմիկայի նախարարությունը։ Քննարկվել են մի շարք հարցեր, որոնց շուրջ պայմանավորվածություններ են ձեռք բերվել հունիսին Քերոբյանի՝ Պեկին կատարած այցի ընթացքում։ Կողմերը մտքեր են փոխանակել Հայաստանի ենթակառուցվածքների, հանքարդյունաբերության, վերամշակող արդյունաբերության, բարձր տեխնոլոգիաների, լոգիստիկայի և մի շարք այլ ոլորտներում չինական ընկերությունների ներգրավման հնարավորության շուրջ։ Առանձին անդրադարձ է կատարվել Ասիական ենթակառուցվածքային ներդրումների բանկին (AIIB) Հայաստանի անդամակցության հնարավորություններին և այդ շրջանակներում երկկողմ համագործակցության հեռանկարներին։