News - Իրանի ճանապարհների և քաղաքաշինության նախարար. Հայաստանի սահմանին նոր կամուրջ կկառուցվի
Business Strategy
Իրանի ճանապարհների և քաղաքաշինության նախարար. Հայաստանի սահմանին նոր կամուրջ կկառուցվի
Իրանը և Հայաստանը քննարկել են սահմանին նոր կամուրջ կառուցելու շուրջ։ Այս մասին հայտարարել է Իրանի ճանապարհների և քաղաքաշինության նախարար Մեհրդադ Բազրպաշը՝ Երևանում «Հյուսիս-Հարավ ճանապարհային միջանցքի ներդրումային ծրագրի» Տրանշ 4-ի շրջանակներում ճանապարհաշինության պայմանագրի ստորագրման արարողության բացմանը։ Նրա խոսքով, հայ-իրանական սահմանի ներկայիս կամուրջը բավարար չէ այդ մեծ շրջանառության համար. «Մենք պայմանավորվածություն ենք ձեռք բերել աշխատանքային խումբ ստեղծելու՝ կապված [նոր] կամրջի կառուցման հետ, և մենք կսկսենք քննարկումները այդ կամրջի կառուցման համար»,- ասաց նա։ Բազրպաշն ընդգծել է, որ այս նոր կամուրջը կարող է նպաստել հայ-իրանական տնտեսական հարաբերությունների զարգացմանը։ Խոսքը նաև ենթակառուցվածքների ոլորտում որոշ այլ նախագծերի իրականացման մասին է։ Միաժամանակ Բազրպաշը հայտարարել է, որ իրանական ընկերությունները պատրաստ են աջակցել հայկական կողմին տարբեր նախագծերում։ «Ցանկացած հայկական ընկերություն, որը պատրաստ կլինի զբաղվել Իրանում բնակարանաշինության և ճանապարհաշինության ոլորտում, մենք պատրաստ ենք մեծ սիրով աջակցել նրանց»,- հավելեց իրանցի պաշտոնյան։ Հայաստան-Իրան սահմանի ներկայիս կամուրջը կառուցվել է 1995 թվականին Արաքս գետի վրա։
About usyoo
Categories
Tags
