News - Amundi-Acba-ն առաջին ուղղակի ներդրումն է կատարել հայկական ընկերության բաժնետոմսերում

«Ամունդի-Ակբա Ասեթ Մենեջմենթ» ՓԲԸ-ն իր տնօրինության տակ գտնվող Հավասարակշռված և պահպանողական կենսաթոշակային հիմնադրամների ակտիվներից խոշոր ներդրում է կատարել «Տելեկոմ Արմենիա» ԲԲԸ-ի բաժնետոմսերում՝ մասնակցելով նախնական հրապարակային առաջարկին: Ընկերության ներդրումը կազմում է բաշխվող IPO-ի 20%-ը, որը համարժեք է 1648 մլրդ ՀՀ դրամի։ Սա նախադեպ է հայկական կենսաթոշակային հիմնադրամների մոտ տասը տարվա գործունեության ընթացքում, երբ միջոցներն ուղղակիորեն ներդրվում են տնտեսության իրական հատվածում՝ ձեռք բերելով հայկական ընկերության բաժնետոմսեր։ «Amundi-Acba-ի կողմից կատարված ներդրումը ոչ միայն մեծացնում է կենսաթոշակային ֆոնդերի ներդրումների դիվերսիֆիկացիան, այլև Հավասարակշռված և Պահպանողական հիմնադրամների շահառուներին հնարավորություն է ընձեռում դառնալ «Տելեկոմ Արմենիա» ԲԲԸ-ի անուղղակի բաժնետերեր՝ օգտվելով դրա աճի հեռանկարից: «Տելեկոմ Արմենիա» ԲԲԸ-ն նպաստում է Հայաստանում կապիտալի շուկայի զարգացմանը և կարող է լավ օրինակ հանդիսանալ այլ ընկերությունների համար», - ասել է «Amundi-Acba»-ի գործադիր տնօրեն Ժան Մազեջյանը: Շնորհակալություն հայտնելով հայկական ընկերությունում Amundi-Acba-ի ներդրման համար՝ Team Telecom Armenia-ի գլխավոր տնօրեն Հայկ Եսայանը նշեց. «Amundi-Acba-ի ակցիան շուրջ 400,000 հիմնադրամի շահառուների վերածել է մեր ընկերության անուղղակի բաժնետերերի»: Միջազգային ականավոր ֆինանսական կազմակերպության այս զգալի ներդրումը վկայում է տեխնոլոգիական ոլորտի աճի հետ մեր համապատասխանության մասին և ընդգծում է մեր երկարաժամկետ ռազմավարական նպատակների համատեղելիությունը: Մենք անկեղծորեն գնահատում ենք ձեր վստահությունը մեր թիմի նկատմամբ»։ Առաջարկը կիրականացվի մինչև սույն թվականի հոկտեմբերի 31-ը ներառյալ։ Ամերիաբանկը հանդես է գալիս որպես Telecom Armenia-ի բաժնետոմսերի առաջարկի միակ կազմակերպիչ: