News - Հայաստանի պաշտոնյան՝ Եվրախորհրդարանում վարչապետի մեղադրանքների մասին. կոնկրետ երկիր չի նշվել

Հայաստանի հարաբերությունները Եվրամիության (ԵՄ) հետ միշտ ուղղված են եղել բարեփոխումների, մարդու իրավունքների պահպանմանը, երկրի վերափոխմանը. Դրան էր ուղղված Համապարփակ և ընդլայնված գործընկերության համաձայնագիրը (CEPA), որն իրականում ասոցացման համաձայնագրի ավելի թեթեւ տարբերակն էր։ Այս մասին չորեքշաբթի ԱԺ-ում լրագրողների հետ ճեպազրույցում ասաց ԱԳ փոխնախարար Պարույր Հովհաննիսյանը՝ անդրադառնալով երեքշաբթի Եվրախորհրդարանում վարչապետ Նիկոլ Փաշինյանի հայտարարությանը, որ Հայաստանը պատրաստ է ԵՄ-ի հետ հարաբերություններն ամրապնդել այնքան, որքան ԵՄ-ն կհամարի։ «ԵՄ-ն մնում է կարևորագույն գործընկերը Հայաստանի բարեփոխման տեսանկյունից։ Այս ուղերձը միայն հաստատեց մեր քաղաքականությունը՝ հնարավորինս խորացնել և ընդլայնել մեր հարաբերությունները ԵՄ-ի և ԵՄ անդամ երկրների հետ»,- ասաց Հովհաննիսյանը։ Անդրադառնալով այն փաստին, որ Փաշինյանի վերոնշյալ ելույթը Եվրախորհրդարանում Ռուսաստանի կողմից արդեն «սադրիչ» է որակվել՝ նշելով, որ նա բռնել է Ուկրաինայի նախագահ Վլադիմիր Զելենսկիի ճանապարհը, Հայաստանի փոխարտգործնախարարն ասաց. մանավանդ որ անանուն է, հետևաբար զերծ կմնամ մեկնաբանություններից, դուք լսել եք ելույթը, և ակնհայտ է, որ ԵՄ-ի հետ մեր հարաբերությունների համատեքստում սենսացիոն նորություն չի եղել»։ Ինչ վերաբերում է այն նկատառմանը, թե Նիկոլ Փաշինյանը Ռուսաստանին մեղադրել է Լեռնային Ղարաբաղի հայաթափման մեջ՝ հայտարարելով, որ Հայաստանի դաշնակիցը չի օգնել, Պարույր Հովհաննիսյանն ասաց. միայն ասվեց, որ հիասթափություն կա մեր դաշնակիցներից, չնշվեց, թե որ դաշնակցի մասին է խոսքը, ինչ վերաբերում է [ռուս] խաղաղապահներին [Լեռնային Ղարաբաղում], ապա այստեղ բազմիցս արտահայտվել է մեր հիասթափությունը մի շարք գործողություններից»։ Հայաստանի վարչապետ Նիկոլ Փաշինյանը երեքշաբթի ելույթ է ունեցել Եվրախորհրդարանի լիագումար նիստում։ Նա հայտարարեց, որ երբ ավելի քան 100.000 հայեր Լեռնային Ղարաբաղից փախչում էին Հայաստան, վերջինիս անվտանգության ոլորտում դաշնակիցները ոչ միայն չէին օգնում երկրին, այլ նաև իշխանափոխության և Հայաստանում ժողովրդավարական իշխանությունները տապալելու հրապարակային կոչեր էին անում։ .