News - Վարչապետ. Հայաստանի կառավարության, ժողովրդի անունից ցավակցում եմ Բրյուսելում տեղի ունեցած ահաբեկչության կապակցությամբ

Թույլ տվեք ինձ անձամբ Հայաստանի կառավարության և Հայաստանի ժողովրդի անունից իմ ցավակցությունը հայտնել Բրյուսելում տեղի ունեցած ահաբեկչության կապակցությամբ և դատապարտել ահաբեկչության այս ակտը և իմ զորակցությունը հայտնել բոլոր զոհերին։ Այս մասին Ֆրանսիայի Ստրասբուրգ քաղաքում Եվրախորհրդարանի նախագահ Ռոբերտա Մեցոլայի հետ համատեղ ասուլիսում հայտարարեց ՀՀ վարչապետ Նիկոլ Փաշինյանը՝ անդրադառնալով երեկ երեկոյան Բրյուսելում տեղի ունեցած ահաբեկչությանը։ Բելգիայի մայրաքաղաքում հրաձգության հետևանքով զոհվել է երկու մարդ, կան վիրավորներ։ Հարձակումը տեղի է ունեցել տեղական ժամանակով ժամը 19:00-ից հետո: Զոհերը եղել են Շվեդիայի ֆուտբոլի ազգային հավաքականի երկրպագուները, ովքեր կրել են իրենց ազգային հավաքականի մարզաշապիկները։