News - Ռոբերտա Մեցոլան՝ Ադրբեջանի դեմ պատժամիջոցներ կիրառելու մասին. Եվրախորհրդարանը քաղաքական մարմին է
Business Strategy
Ռոբերտա Մեցոլան՝ Ադրբեջանի դեմ պատժամիջոցներ կիրառելու մասին. Եվրախորհրդարանը քաղաքական մարմին է
Եվրախորհրդարանը քաղաքական մարմին է, և նա հետևողական է լինելու երեք սկզբունքների իրականացումն ապահովելու հարցում։ Այս մասին երեքշաբթի Ֆրանսիայի Ստրասբուրգ քաղաքում ՀՀ վարչապետ Նիկոլ Փաշինյանի հետ համատեղ մամուլի ասուլիսի ժամանակ ասաց Եվրախորհրդարանի նախագահ Ռոբերտա Մեցոլան։ Նա պատասխանել է լրագրողի այն դիտարկմանը, թե ԵՄ-ն ընդունել է Ադրբեջանի դեմ պատժամիջոցներ կիրառելու բանաձեւ և զեկույց, և այն հարցին, թե արդյոք Եվրախորհրդարանը պատրաստվում է ակտիվ քայլեր ձեռնարկել այդ ուղղությամբ։ Պատահական չէ, որ այս խորհրդարանն ընդունեց նման զեկույցները և կոչ արեց շուտափույթ վերսկսել խաղաղ բանակցությունները, ընդգծել է Եվրախորհրդարանի ղեկավարը։ Մեցոլան նաև ասաց, որ իրենք ողջունում են Հայաստանի վարչապետ Նիկոլ Փաշինյանի և Ադրբեջանի նախագահ Ալիևի հանդիպման փաստը, որը տեղի կունենա հոկտեմբերի վերջին՝ Եվրոպական խորհրդի նախագահ Շառլ Միշելի մասնակցությամբ։ Խաղաղության բանակցությունները կարևոր են Ադրբեջանի հետ Հայաստանի սահմանի սահմանազատման, տարածաշրջանային հաղորդակցության ուղիների բացման և հումանիտար խնդիրների լուծման տեսանկյունից. Վերջին ամսվա իրադարձությունները շատ մտահոգիչ են, և այդ պատճառով նրանք խաղաղության և մարդասիրական պաշտպանության կոչ են անում, հայտարարել է Ռոբերտա Մեցոլան։
About usyoo
Categories
Tags
