News - Փոխարտգործնախարարն ընդունել է ՄԱԿ ՓԳՀ-ի Եվրոպայի տարածաշրջանային բյուրոյի տնօրենին

Հոկտեմբերի 17-ին ԱԳ փոխնախարար Վահե Գեւորգյանն ընդունեց ՄԱԿ ՓԳՀ-ի Եվրոպայի տարածաշրջանային բյուրոյի տնօրեն Ֆիլիպ Լեկլերին։ հայտնում է ԱԳՆ-ն։ Զրուցակիցները քննարկել են 2023 թվականի սեպտեմբերի 19-ին ադրբեջանական ռազմական ագրեսիայի հետևանքով Հայաստան փախած ավելի քան 100.000 փախստականների ընդունելու ուղղությամբ մինչ օրս իրականացված աշխատանքները, առկա մարտահրավերները, խնդիրները և դրանց լուծման հնարավոր ուղիները։ Ընդգծվել է, որ փախստականների համար կարճաժամկետ ծրագրերի իրականացմանը զուգընթաց անհրաժեշտ է նրանց համար ապահովել կենսապահովման կայուն հնարավորություններ։ Երկուստեք առաջնահերթ կարևորվել է աշխատանքների արդյունավետ համակարգման խնդիրները՝ կարևորելով Հայաստանի կառավարության և ՄԱԿ-ի փախստականների հարցերով գերագույն հանձնակատարի գրասենյակի, միջազգային և տեղական կազմակերպությունների փոխգործակցությունը։ Ընդգծվել է ստեղծված իրավիճակում միջազգային դոնոր հանրության կողմից հումանիտար օգնության կարևորությունը և այդ գործընթացում ՄԱԿ ՓԳՀ գրասենյակի դերը՝ որպես մասնագիտական ​​գործակալություն։