News - Ալելոն՝ Քերոբյանին. USAID-ը պատրաստ է աջակցել Հայաստանում բռնի տեղահանվածների ինտեգրման ծրագրերին (ՖՈՏՈ)

Էկոնոմիկայի նախարար Վահան Քերոբյանն ընդունել է ԱՄՆ Միջազգային զարգացման գործակալության (USAID)/Հայաստանի առաքելության տնօրեն Ջոն Ալելոյի գլխավորած պատվիրակությանը։ ՀՀ էկոնոմիկայի նախարարությունից NEWS-ին հայտնում են, որ նախ նախարարը շնորհակալություն է հայտնել հյուրերին արդյունավետ համագործակցության համար և հույս հայտնել, որ ԱՄՆ ՄԶԳ-ի կողմից Հայաստանում իրականացվող ծրագրերը կշարունակեն նպաստել երկրի տնտեսական կայունության բարձրացմանը։ am. Քերոբյանը ներկայացրել է նաև Լեռնային Ղարաբաղից բռնի տեղահանված հայերի հետ էկոնոմիկայի նախարարության ներկայացուցիչների հանդիպումների արդյունքները, բարձրաձայնել բարձրացված հիմնական թեմաներն ու առաջարկել հնարավոր լուծումներ։ ԱՄՆ ՄԶԳ պատվիրակության անդամներն իրենց պատրաստակամությունն են հայտնել աջակցելու Հայաստանում բռնի տեղահանվածների ինտեգրմանն առնչվող ծրագրերի իրականացմանը։ Առանձին անդրադարձ է կատարվել Հայաստանում բիզնես միջավայրի բարելավմանը և բիզնեսը երկիր տեղափոխող գործարարների համար բարենպաստ ինտեգրացիոն պայմանների ապահովմանը։ Քննարկվել են նաև երկկողմ համագործակցությանն առնչվող այլ հարցեր։