

Ադրբեջանի նախագահ Իլհամ Ալիևը Արցախի (Լեռնային Ղարաբաղի) մայրաքաղաք Ստեփանակերտից նոր սպառնալիքներ է հնչեցրել Հայաստանի հասցեին։ Նրա խոսքով, «եթե Հայաստանում որեւէ ուժ դեռ մտածում է ռեւանշի մասին, թող ուշադիր նայի՝ «Ղարաբաղի նախկին ղեկավարների գերեվարման կադրերը։ Ալիեւը վերջիններիս անվանել է «ծաղրածուներ»։ «Հետաքրքիր է, այս շենքերից մեկում նստած մարդը, ով իրեն «վարչապետ» էր անվանել, կհամարձակվի՞ այսօր սպառնալ մեզ [Ադրբեջանին]։ Այսօր նրան նույնպես թեյ են մատուցում [ադրբեջանական] կալանավայրում»,- ասել է Ադրբեջանի նախագահը։ Նա խոստացել է, որ ադրբեջանցիները «հավերժ» կմնան Արցախում. Ալիևը պղծել է Արցախի պետական դրոշը՝ լուսանկարվելով դրա վրա կանգնած։