News - ԱՄՆ պետքարտուղարն ասում է, որ աշխատանքներ են տարվում Գազայում իսրայելցի պատանդներին ազատելու համար

ԱՄՆ պետքարտուղար Էնթոնի Բլինկենը հայտարարել է, որ Վաշինգտոնն աշխատում է Գազայի հատվածում իսրայելցի պատանդներին, այդ թվում՝ ԱՄՆ քաղաքացիների ազատ արձակելու համար: Այդ մասին Բլինկենը հայտարարել է հոկտեմբերի 15-ին Կահիրեի օդանավակայանում։ Վերջին օրերին նա այցելել է Հորդանան, Բահրեյն, Կատար, Արաբական Միացյալ Էմիրություններ և Եգիպտոս՝ ներկա իրավիճակի վերաբերյալ նրանց տեսակետները ստանալու համար, հայտնում է BBC-ն։ Անդրադառնալով Միջերկրական ծովով նավարկող ամերիկյան ավիակիրներին՝ նա ասաց, որ այդ քայլը պետք է դիտվի որպես զսպման միջոց, այլ ոչ թե որպես հակամարտությունը սրելու միջոց: Բլինկենն ասել է, որ Իսրայելն իրավունք և պատասխանատվություն ունի պաշտպանելու իրեն և ապահովելու, որ դա չկրկնվի ապագայում: Սակայն, նշել է ԱՄՆ պետքարտուղարը, կարևոր է նաև, թե ինչպես է դա անում Իսրայելը։ Բլինկենն ընդգծել է քաղաքացիական անձանց կյանքը պահպանելու կարևորությունը։