

ԱՄՆ Պետդեպարտամենտը հերքում է Politico-ի հաղորդագրությունն այն մասին, որ պետքարտուղար Էնթոնի Բլինկենը զգուշացրել է ամերիկացի օրենսդիրներին, որ Ադրբեջանը կարող է ներխուժել Հայաստան առաջիկա շաբաթներին։ «Արմենպրես»-ին տված մեկնաբանությունում ԱՄՆ Պետդեպարտամենտի խոսնակ Մեթյու Միլլերն ասել է, որ հոդվածում տեղ գտած տեղեկատվությունը «ոչ ճշգրիտ» է և այն չի «արտացոլում այն, ինչ պետքարտուղար Բլինկենն ասել է օրենսդիրներին»: «Միացյալ Նահանգները վճռականորեն աջակցում է Հայաստանի ինքնիշխանությանը և տարածքային ամբողջականությանը. Մենք ընդգծել ենք, որ այդ ինքնիշխանության և տարածքային ամբողջականության ցանկացած խախտում կբերի լուրջ հետևանքների։ Այս [Politico-ի] հոդվածում զեկուցումը ոչ ճշգրիտ է և ոչ մի կերպ չի արտացոլում այն, ինչ ասել է պետքարտուղար Բլինկենը օրենսդիրներին»,- «Արմենպրես»-ին ասաց Պետդեպարտամենտի խոսնակ Մեթյու Միլլերը: