

Ադրբեջանի մայրաքաղաք Բաքվում այս ամառ ադրբեջանցիների կողմից առեւանգված Լեռնային Ղարաբաղի բնակիչ Վագիֆ Խաչատրյանի «քրեական գործով» դատական ֆարս է տեղի ունենում։ Նրա «գործը» նախագահում է Բաքվի ռազմական դատարանի դատավոր Ջամալ Ռամազանովը, հայտնում են ադրբեջանական լրատվամիջոցները։ Նախնական դատական նիստը տեղի է ունենում ուրբաթ։ Այս շինծու գործով ընդհանուր առմամբ «զոհ» է համարվում 59 մարդ։ Խաչատրյանը 1990-ականների սկզբին եղել է Լեռնային Ղարաբաղի առաջին պատերազմի մասնակից, և հենց այդ պատճառով էլ Ադրբեջանի իշխանությունները նրան մեղադրում են ծանր հանցագործությունների մեջ։ Վագիֆ Խաչատրյանին ադրբեջանցիները առևանգել են Լաչինի միջանցքով Հայաստան անցնելիս և ԿԽՄԿ-ի ուղեկցությամբ։