News - Էկոնոմիկայի նախարար. Հայաստանի արտահանման միայն մոտ 40%-ն է գնում Ռուսաստան

Հայաստանի արտահանման միայն մոտ 40 տոկոսն է գնում Ռուսաստան, բիզնեսներն աշխատում են, ամեն ինչ նորմալ է, խնդիրներ չկան, վրաց-ռուսական սահմանի Վերին Լարսի անցակետում հայկական բեռնատարների հերթ չկա։ Այս մասին ուրբաթ Երևանի քաղաքապետարանի մոտ լրագրողներին ասաց ՀՀ էկոնոմիկայի նախարար Վահան Քերոբյանը՝ անդրադառնալով Ռուսաստանի հետ Հայաստանի տնտեսական հարաբերություններում հնարավոր խնդիրների խնդրին։ «Ուզում եմ հիշեցնել, որ անցած տարվա հունիսից հետո իմ և Ռուսաստանի տնտեսական զարգացման նախարարի պայմանավորվածություններից հետո Լարսի անցակետում բացվել են բազմաթիվ նոր ուղիներ, պարզեցվել են [այնտեղ] մաքսազերծման գործընթացները։ »,- ասաց Քերոբյանը։ Դիտարկմանը, թե մարդիկ բողոքում են Վերին Լարսի անցակետում ստեղծված իրավիճակից, ՀՀ էկոնոմիկայի նախարարն այսպես արձագանքեց. Քերոբյանը վստահեցրեց, որ վառելիքի հետ կապված էլ խնդիր չկա. «Բենզինի հետ կապված որոշակի խնդիր կար, բայց մեր առաջին միջնորդությունը մասամբ բավարարվեց, մենք աշխատում ենք գործընկերների հետ»,- հավելեց նա։ Իսկ ինչ վերաբերում է Հայաստանում բենզինի գներին, Վահան Քերոբյանն ասաց, որ ոչինչ չի կարող ասել, քանի որ այդ գները կախված են շուկայից։