News - Պուտինը խոսել է ռուս խաղաղապահների՝ Լեռնային Ղարաբաղում գտնվելու տևողության մասին

Ռուսական խաղաղապահ զորախումբը պաշտոնապես ենթադրվում է, որ Լեռնային Ղարաբաղում կմնա մինչև 2025 թվականի նոյեմբերը։ Սակայն նոր հանգամանքների բերումով Ռուսաստանը և նրա գործընկերները պետք է քննարկեն հետագա գործողությունների ընթացքը։ Նման հայտարարություն է արել ՌԴ նախագահ Վլադիմիր Պուտինը ուրբաթ օրը Ղրղզստան կատարած այցի արդյունքների վերաբերյալ մամուլի ասուլիսի ժամանակ, գրում է «Մոսկովսկի կոմսոմոլեց» օրաթերթը։ Պուտինը հայտարարեց, որ «երբ հայկական կողմը ճանաչեց, որ Լեռնային Ղարաբաղի Հանրապետությունը Ադրբեջանի մաս է, պարզվեց, որ [ռուս] խաղաղապահներն արդեն [Ադրբեջանի մայրաքաղաք] Բաքվի տարածքում են»։ Այժմ, Լեռնային Ղարաբաղի հայ բնակչության արտագաղթի հետ կապված ծանր իրադարձություններից հետո, իրավիճակը կտրուկ փոխվել է, նշել է նա, փոխանցում է ՏԱՍՍ-ը։ «Բայց ֆորմալ առումով մեր խաղաղապահները այնտեղ կլինեն մինչև 2025 թվականի նոյեմբերը: Եվ, իհարկե, մենք պետք է հարցը լուծենք մեր գործընկերների հետ երկխոսության միջոցով»,- եզրափակել է ՌԴ նախագահը։