

ՌԴ նախագահ Վլադիմիր Պուտինը Ղրղզստանում հանդիպում է Ադրբեջանի նախագահ Իլհամ Ալիևի հետ, հայտնում է RIA Novosti-ն։ ՌԴ նախագահի օգնական Յուրի Ուշակովի խոսքով՝ նախագահները մտադիր են քննարկել Լեռնային Ղարաբաղի շուրջ ստեղծված իրավիճակը և այնտեղ տեղակայված ռուս խաղաղապահների հարցը։ Կողմերը նախատեսում են քննարկել նաև ղարաբաղցի հայերի իրենց բնակության վայրեր վերադարձի հարցը։ ՌԴ ղեկավարի հանդիպումը Հայաստանի վարչապետ Նիկոլ Փաշինյանի հետ նույնպես կկազմակերպվեր Ղրղզստանում, եթե նա գար մասնակցելու ԱՊՀ գագաթնաժողովին, ասել է Ուշակովը։ Միաժամանակ նա ընդգծել էր, որ Ռուսաստանի Դաշնության և Հայաստանի միջև շփումները շարունակվելու են, և երկու երկրները քննարկելու բազմաթիվ թեմաներ ունեն։