News - Նախկին փոխվարչապետ. Հայաստանի գազամատակարարումը չի դադարեցվի և այն եվրոպական գներով չի վաճառվի

Ռուսաստանը չի դադարեցնի Հայաստանի գազը և չի վաճառի այն նաև եվրոպական գներով, NEWS.am-ի թղթակցի հետ զրույցում նման կարծիք է հայտնում տնտեսագետ, ՀՀ նախկին փոխվարչապետ Վաչե Գաբրիելյանը։ «Եթե Հայաստանում ռուսական գազը թանկանա, դա կազդի գների աճի, հայկական ապրանքների մրցունակության վրա և կհանգեցնի տնտեսական անկման։ Ինչքան էլ ասում են, որ Իրանից կարելի է էներգակիրներ գնել, Ռուսաստանը միշտ առաջարկել է ամենանպաստավոր գինը։ Բացի այդ, Իրանը բազմաթիվ խնդիրներ ունի նավթավերամշակման ոլորտում»,- ընդգծել է փորձագետը։ Նրա կարծիքով, ռուսական շուկան Հայաստանի համար փակ չի լինելու, թեեւ որակի հետ կապված խնդիրներ կարող են առաջանալ։ «Առևտրաշրջանառության 70 տոկոսը բաժին է ընկնում ԵԱՏՄ և ԱՊՀ երկրներին։ Հայաստանի ամենամեծ առևտրատնտեսական գործընկերը Ռուսաստանն է»,- հիշեցրեց նա։ Վաչե Գաբրիելյանն ասում է, որ չի հավատում ապոկալիպտիկ սցենարին, հետևաբար տնտեսության տոտալ կոլապս էլ չի լինի.