News - Հայաստանի պաշտոնյան և ԵՄ ներկայացուցիչը քննարկել են Ղարաբաղից բռնի տեղահանվածներին աջակցելու համատեղ գործողությունները

Աշխատանքի և սոցիալական հարցերի նախարար Նարեկ Մկրտչյանն ընդունել է Հայաստանում Եվրոպական միության (ԵՄ) պատվիրակության ղեկավար, դեսպան Վասիլիս Մարագոսին։ Հայաստանի աշխատանքի և սոցիալական հարցերի նախարարությունից հայտնում են, որ հանդիպման ընթացքում քննարկվել են Լեռնային Ղարաբաղից բռնի տեղահանված հայերին Հայաստան օգնելու համատեղ ծրագրված անելիքները և ԵՄ-ի մասնակցությամբ Հայաստանում արդեն իրականացված սոցիալական պաշտպանության ծրագրերի արդյունքները։ NEWS.am. Ներկայացնելով վերոնշյալ տեղահանվածների առաջնային կարիքների բավարարման ուղղությամբ իր նախարարության կողմից տարվող աշխատանքները՝ նախարարը նշել է, որ ՀՀ կառավարությունը նախատեսում և իրականացնում է տարբեր ծրագրեր առկա ճգնաժամից դուրս գալու համար։ Անդրադառնալով ԵՄ-ի մասնակցությամբ Հայաստանում արդեն իսկ իրականացված ոլորտային աշխատանքներին, Մկրտչյանը դրական և արդյունավետ որակեց այս ուղղությամբ համատեղ ներդրված ջանքերը։ Դեսպան Մարագոսն իր հերթին ընդգծել է Հայաստանի աշխատանքի և սոցիալական հարցերի նախարարության հետ իրենց համագործակցության կարևորությունը և պատրաստակամություն հայտնել ակտիվորեն ներգրավվել սոցիալական պաշտպանության ոլորտում նախատեսվող ծրագրերում։